|
BENGALURU (MaraChristian.org) - Mara Christian Fellowship, Bangalore ta chhituhpazy hry liata atako ta su hro la apasie ha aw pazy pathliena Puhpa L. Beimopha, IRS O liata Pachyhnoh, Pato (May) 29 pa khata pathliena programme zapati pahah kawpa chhao ta ama hnei.
He pathliena liata pasai lei kawpata pathliepazy cha (alphabetical order ta):
1. Puhpa L. Beimopha, IRS, MCF Bangalore Vice President parohpa chhokha, Kolkata la apasie awpa.
2. Satlia Isaac T. Beingachha, EC member, ano he eima rah la areileipa liata asie chy ba aw.
3. Laihsa Merina K. Beinopha, EC member, ano he Aizawl liata Post graduate atao awpa a cha.
4. Laihsa C. Ngoli, Treasurer, ano he eima rah la a sie chy ba aw.
5. Laihsa S.L Pari, Finance, ano he Hawtizy mohohna (Missionary) rai hria awpa ta Karnataka state chhoh, Maharashtra border ahniana la apasie awpa a cha.
He pathliena liata MCF la tawhta pathliena biereihtuhpa cha Secretary, Satlia Pawsa Lava cha ta, Rev. Chatlai, Acting President ta Chairman chapa ta programme he a chhitha.
Pathliena biereihtuhpa Satlia Pawsa Lava chhaota asieha awpazy i ama chhizie reihta, thlyu theipa cha ei sala, thlyu akhoh zie reihta, asieha awpazy MCF Bangalore chata ama chakaonazy cha aly zie reihta, ama yna chyu liata Khazohpa nata Marasawzy chata byhna ama cha lyma awpa ta pasyuna pha kawpa a reih.
MSO, Bangalore branch la tawhta President-elect Satlia L.D. Beihriasa, MCF ex-officio member chhaota MSO Bangalore branch moh ta Appreciation certificate pha kawpa cha ama Senior Advisor Puhpa L. Beimopha hnohta hlana ahneipa hra.
Pathliepazy la tawhta biereina hnei chyu ei ta, MCF Bangalore thatlo kawpa ta asie lyma awpa ama khokheina reih chyu ei ta, ama siesai khao chhaota ama theina hawhta tha patlo ama chhuah zie chhao ama reih hra.
A eihpachaipa ta, Puhpa Mopha ta Marasaw ama theina hawhta apasona, apalyupalina nata achakao rairina nata apalyupalina thaina palohruhpa (spirit) ama hneipa cha alyzie reihta, he hawhpa palohru he ama hnei pazao lyma awpa ta pathliena bie pha kawpa chhao a reihpa hra.
He pathliena he MCF Bangalore la tawhta taotyhpa achana hawhta zapati niena chhao MCF ta atoh awpa cha nota, Puhpa Mopha chhokha la tawhta he kychhina zydua he ama vaw toh khai vata Pathliena programme liata Chairman Rev. Chatlai ta alyzie reihta, O nata lyu hleikhota kychhina zydua atohtuhpa Puhpa Mopha chhokha la ta alyna bie a reihpa hra.
Nothlahpa thokhazy:
Pati nielei nopa nothlahpa lachho leipa chata, nie nopa he tla palasapa a cha. 
Nienopa pyly:  (Tlyngiata chotlapazy, ama cho lia eima ly hmeiseih). He pathliena programme he Assistant Secretary Laihsa Roseline Solo thlachhana ta aly kawpa ta pachhasapa a cha.
 |
News 
Subscribe to this comment's feed